കാസര്‍കോട്: ചീമേനി നാലിലാംകണ്ടം ഗവ. യു.പി സ്‌കൂളിലെ അധ്യാപകന്‍ ആലന്തട്ടയിലെ പി.ടി രമേശനെ(50) കൊലപ്പെടുത്തിയ കേസിലെ കുറ്റപത്രം ജില്ലാ അഡീഷണല്‍ സെഷന്‍സ് കോടതി മൂന്നിലേക്ക് മാറ്റി.കേസിന്റെ വിചാരണ മാര്‍ച്ചില്‍ ആരംഭിക്കും. രമേശന്‍ മാഷിന്റെ അയല്‍വാസിയായ ആലന്തട്ടയിലെ ജയനീഷ്, സഹോദരന്‍ അരുണ്‍ (26), തമ്പാന്‍,അഭിജിത്ത് എന്നിവരാണ് കേസിലെ പ്രതികള്‍.
മുഖ്യപ്രതി പ്രതി അഭിജിത്തിനെ ബല്‍ഗാമിലെ വ്യോമസേന പരിശീലന കേന്ദ്രത്തില്‍ നിന്നാണ് ചീമേനി പൊലിസ് അറസ്റ്റ് ചെയ്തത്. പ്രതികളുടെ അക്രമത്തില്‍ പരുക്കേറ്റു ചികിത്സയിലായിരുന്ന രമേശന്‍ മാസ്റ്റര്‍ 2018 മാര്‍ച്ച് ഏഴിനാണ് മരിച്ചത്.