തിരുവനന്തപുരം: സ്‌കൂള്‍ കായിക മേളകളിലെ  മത്സരങ്ങളുടെ സമയക്രമം നിശ്ചയിക്കുമ്പോള്‍ കുട്ടികള്‍ക്ക് മികച്ച പ്രകടനം കാഴ്ചവെയ്ക്കുന്നതിന് തടസം സൃഷ്ടിക്കുന്ന തരത്തിലാകരുതെന്ന് ബാലാവകാശ സംരക്ഷണ കമ്മിഷന്‍ ഉത്തരവിട്ടു. ഡി.പി.ഐക്കാണ് കമ്മിഷന്‍ നിര്‍ദേശം നല്‍കിയത്. ഇക്കാര്യം ഉറപ്പു വരുത്താന്‍ ഉത്തരവ് ഇറക്കാനും കമ്മിഷന്‍ ആവശ്യപ്പെട്ടു. കോഴിക്കോട് റവന്യൂ ജില്ലാ മീറ്റില്‍ പങ്കെടുക്കാന്‍ എത്തിയ താരത്തിന് മത്സരത്തില്‍ പങ്കെടുക്കാന്‍ കഴിഞ്ഞിരുന്നില്ല. മുന്‍കൂട്ടി അറിയിച്ച ദിവസത്തിന് തലേനാള്‍ മത്സരം നടത്തിയതാണ് കാരണം. ഇതോടെയാണ് പരാതിയുമായി വിദ്യാര്‍ഥി കമ്മിഷനെ സമീപിച്ചത്.