ജിദ്ദ: സഊദിയിൽ ഈ വർഷത്തെ റമദാൻ ഏപ്രിൽ 24നാണ് ആരംഭിക്കുകയെന്നും ഈദുൽ ഫിതർ മെയ് 24ന് ആയിരിക്കുമെന്നും അൽഖസീം യൂണിവേഴ്‌സിറ്റിയിലെ ഗോളശാസ്ത്ര നിരീക്ഷകൻ ഡോ. അബ്ദുല്ല അൽമിസ്‌നിദ് അഭിപ്രായപ്പെട്ടു. ശഅ്ബാൻ 30 ദിവസം പൂർത്തിയാക്കും. ഏപ്രിൽ 22 അഥവാ ശഅ്ബാൻ 29ന് ചന്ദ്രൻ സൂര്യന് മുമ്പ് അസ്തമിക്കും. അതിനാൽ മാസപ്പിറവി കാണാൻ സാധ്യതയില്ലെന്നും ശഅ്ബാൻ 30 പൂർത്തിയാക്കണമെന്നും അദ്ദേഹം പറഞ്ഞു.