കാളികാവ്:വാഹനാപകടത്തില്‍ മദ്രസാധ്യാപകന്‍ മരണപ്പെട്ടു.കല്ലാമൂലയിലെ കരുവാതൊടിക മുഹമ്മദ് ശരീഫ് ഫൈസിയാണ് മരണപ്പെട്ടത്. ഞായറാഴ്ച കാലത്ത് മദ്രസയിലേക്ക് പോകും വഴി മഞ്ചേരിയില്‍ വെച്ചാണ് അപകടമുണ്ടായത്. നിര്‍മാണം നടന്നുകൊണ്ടിരിക്കുന്ന പാലത്തിനരികെ ബൈക്ക് സിഗ്‌നലില്‍ തട്ടുകയായിരുന്നു.

കല്ലാമൂല ശാഖ എസ്.കെ.എസ്.എസ്.എഫ് പ്രസിഡന്റും മഞ്ചേരി ഇരുമ്പുഴി വടക്കുമുറിയിലെ റഹ്മാനിയ മദ്രസ അധ്യാപകനായിരുന്നു. മൃതദേഹം കോഴിക്കോട് മെഡിക്കല്‍ കോളേജില്‍ പോസ്റ്റ്‌മോര്‍ട്ടത്തിന് ശേഷം കല്ലാമൂല ജുമാ മസ്ജിദ് ഖബര്‍ സ്ഥാനില്‍ മറവ് ചെയ്യും.