ദുബൈ: ലോക ഒന്നാം നമ്പര്‍ താരം ബ്രിട്ടന്റെ ആന്‍ഡി മുറെയ്ക്ക് ദുബൈ ഡ്യൂട്ടി ഫ്രീ ടെന്നീസ് കിരീടം. കരിയറിലെ 45ാം കിരീടമാണു ബ്രിട്ടീഷ് താരം സ്വന്തമാക്കിയത്. സ്പാനിഷ് വെറ്ററന്‍ താരം ഫെര്‍ണാണ്ടോ വെര്‍ഡെസ്‌കോയെ കീഴടക്കിയാണു മുറെ ചാംപ്യനായത്. രണ്ടു സെറ്റു മാത്രം നീണ്ട അനായാസ പോരാട്ടത്തിലാണു മുറെയുടെ വിജയം. സ്‌കോര്‍: 6-3, 6-2. 2017 സീസണിലെ തന്റെ ആദ്യ കിരീടം കൂടിയാണു ലോക ഒന്നാം നമ്പര്‍ താരം ദുബൈയില്‍ നേടിയത്.