നിങ്ങളുടെ കാര്‍ ഇനി പാര്‍ക്കിങ് സ്ഥലത്തുനിന്ന് നഷ്ടപ്പെടുമെന്ന ഭയം വേണ്ട. കാര്‍ പാര്‍ക്ക് ചെയ്ത് എവിടെയങ്കിലും പോകുമ്പോള്‍ എവിടെയാണ് പാര്‍ക്ക് ചെയ്തതെന്ന് മനസിലാകാതെ വരാറുണ്ടോ? എന്നാലിതാ ഇതിനൊരു പരിഹാരമായി ഒരു കുഞ്ഞന്‍ ഉപകരണം എത്തിക്കഴിഞ്ഞു. കാലിഫോര്‍ണിയന്‍ കമ്പനിയാണ് ബ്രാവോ ട്രാക്കര്‍ എന്ന പേരില്‍ നിര്‍മിച്ച ഈ കൊച്ചു ഉപകരണത്തിനു പിന്നില്‍.

ഏറെ വിലകൊടുത്ത് നമ്മള്‍ കാറുകളില്‍ ഘടിപ്പിക്കുന്ന ജി.പി.എസ് സവിംധാനം പോലും ചിലപ്പോള്‍ പ്രവര്‍ത്തിക്കാറില്ല.
ജി.പി.എസ് കാറില്‍ ഘടിപ്പിക്കുക എന്നകത് വളരെ ചിലവേറിയതുമാണ്. എന്നാല്‍ വളരെ ചിലവ് കുറഞ്ഞ ബ്രാവോ ട്രാക്കര്‍ നിങ്ങളുടെ കാറിനെ മാത്രമല്ല വിലപ്പെട്ട എല്ലാ വസ്തുക്കളെയും നഷ്ടപ്പെടാതെ സംരക്ഷിക്കുന്നു.

ഒരു നാണയത്തിന്റെ വലിപ്പം മാത്രമേ ഇതിനുള്ളൂ എന്നതാണ് ഇതിന്റെ പ്രത്യേകത. ബാഗ്,താക്കോലുകള്‍,മൊബൈല്‍ തുടങ്ങി ഏതിലും ഇത് ഘടിപ്പിക്കാവുന്നതാണ്. വളരെ വേഗം ഇന്‍സ്റ്റാള്‍ ചെയ്യാന്‍ കഴിയുന്ന ഒന്നാണിത്. നിങ്ങളുടെ മൊബൈലില്‍ ട്രാക്ക് ആപ്പ് ഡൗണ്‍ലോഡ് ചെയ്തതിന് ശേഷം മൊബൈലുമായി ഈ ഉപകരണത്തെ ബന്ധിപ്പിക്കുകയാണ് ചെയ്യേണ്ടത്. മൊബൈല്‍ ഫോണ്‍ ഉപയോഗിച്ച് നഷ്ടപ്പെട്ട വസ്തുവിനെ വിമിഷ നേരം കൊണ്ട് ട്രാക്ക് ചെയ്തു കണ്ടുപിടിക്കാന്‍ ഇത് നിങ്ങളെ സഹായിക്കും.