അല്‍അയ്ന്‍: ഏഷ്യന്‍ കപ്പ് ഫുട്‌ബോളിന്റെ ആദ്യ സെമി ഫൈനല്‍ ഇന്ന് രാത്രി 7.30ന്.
അല്‍ അയ്ന്‍ ഹസ ബിന്‍ സിയാദ് സ്റ്റേഡിയത്തില്‍ നടക്കുന്ന മത്സരത്തില്‍ ജപ്പാനും ഇറാനും തമ്മിലാണ് കൊമ്പുകോര്‍ക്കുന്നത്. റഷ്യന്‍ ലോകകപ്പില്‍ പന്തു തട്ടി പരിചയമുള്ള ടീമുകളാണ് രണ്ടും എന്നതിനാല്‍ ഇന്നത്തെ മത്സരത്തിന് മാറ്റ്കൂടും. ടൂര്‍ണമെന്റിലുടനീളം അപരാജിത കുതിപ്പ് നടത്തുന്ന ജപ്പാന്‍ സഊദിയെയുള്‍പ്പെടെ പരാജയപ്പെടുത്തിയായിരുന്നു സെമിയിലെത്തിയത്.
ചൈന ഒമാന്‍ പോലുള്ള വമ്പന്‍ ടീമുകളെ തകര്‍ത്താണ് ഇറാനും സെമിയിലെത്തി നില്‍ക്കുന്നത്. 1988 മുതല്‍ ഏഷ്യന്‍ കപ്പിലുള്ള ജപ്പാന്‍ നാലു തവണ ചാംപ്യന്‍പട്ടവും സ്വന്തമാക്കിയിട്ടുണ്ട്. 1968 ല്‍ ഏഷ്യന്‍ കപ്പില്‍ അരങ്ങേറിയ ഇറാന്‍ മൂന്ന് തവണ ചാംപ്യന്‍മാരാവുകയും ചെയ്തിട്ടുണ്ട്.