വെഞ്ഞാറമൂട്: ശക്തമായ കാറ്റിലും മഴയിലും കന്യാകുളങ്ങരയിലും പരിസര പ്രദേശങ്ങളിലും വ്യാപക നാശം. രണ്ട് വീടുകള്‍ക്ക് മുകളിലേക്ക് മരങ്ങള്‍ കടപുഴകി വീണു. മേഖലയില്‍ നിരവധിറബര്‍ മരങ്ങളും മറ്റു മരങ്ങളും കടപുഴകി വീണു. നൂറ് കണക്കിന് വാഴകളും ഒടിഞ്ഞു വീണു. കന്യാകുളങ്ങര പനച്ചവിള നിസാം മന്‍സിലില്‍ നിസാമിന്റെ വീടിന് മുകളിലേക്ക് സമീപത്ത് നിന്ന പ്ലാവ് കടപുഴകി വീണ് മേല്‍ക്കൂരയിലൊരു ഭാഗം തകര്‍ന്നു. പനച്ചമൂട് ജലജാ മന്ദിരത്തില്‍ ജലജയുടെ ടെറസ് വീടും മരം വീണ് തകര്‍ന്നു.