കുറ്റ്യാടി: കായക്കൊടി പാലോളിയില്‍ മെറ്റല്‍ ക്രഷറിന്റെ സംഭരണഭിത്തി തകര്‍ന്ന് തൊഴിലാളി മരിച്ചു. കായക്കൊടി മയങ്ങിയില്‍ കണ്ണന്റെ മകന്‍ സത്യന്‍(38)ആണ് മരിച്ചത്.  

ലോറിയില്‍ മെറ്റല്‍ കയറ്റുന്നതിനിടയില്‍ അമിതഭാരം കാരണം സംഭരണ ടാങ്ക് തകരുകയായിരുന്നു. അപകടം നടന്നയുടന്‍ തൊഴിലാളികള്‍ ഒാടി രക്ഷപ്പെടാന്‍ ശ്രമിക്കുന്നതിനിടയില്‍ സത്യന്റെ തലയിലും ദേഹത്തും സിമന്റ് കട്ടകള്‍ പതിക്കുകയായിരുന്നു.

കുറ്റ്യാടി താലൂക്ക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. അമ്മ: മാതു. ഭാര്യ:ഷീജ.മക്കള്‍: സിന്‍ഡ, സൈന(വിദ്യാര്‍ഥികള്‍)