ആര്‍പ്പൂക്കര: സര്‍ക്കാര്‍ മെഡിക്കല്‍ കോളജുകളിലെ ജൂനിയര്‍ ഡോക്ടര്‍മാര്‍ സംസ്ഥാനവ്യാപകമായി ചൊവ്വാഴ്ച സൂചനാ പണിമുടക്ക് നടത്തും. സര്‍ക്കാര്‍ പ്രഖ്യാപിച്ചിരിക്കുന്ന ബോണ്ട് വ്യവസ്ഥയ്‌ക്കെതിരേയാണ് പണിമുടക്ക്.

യു.ജി കഴിയുന്നവര്‍ ഒരു വര്‍ഷവും പി.ജിയും സൂപ്പര്‍സ്‌പെഷാലിറ്റിയും കഴിയുന്നവര്‍ മൂന്നുവര്‍ഷം വീതവും ബോണ്ട് വ്യവസ്ഥയില്‍ ജോലി ചെയ്യണമെന്നാണ് സര്‍ക്കാരിന്റെ പുതിയ ഉത്തരവ്.
അത്യാഹിത വിഭാഗം, ശസ്ത്രക്രിയ, തീവ്രപരിചരണവിഭാഗം, ലേബര്‍ റൂം എന്നീവിഭാഗങ്ങളെ സമരത്തില്‍ നിന്ന് ഒഴിവാക്കിയതായി ഭാരവാഹികള്‍ അറിയിച്ചു.