കണ്ണൂര്‍: നഗരത്തെ വിറപ്പിച്ച പുലി തിരുവനന്തപുരം നെയ്യാര്‍ വന്യജീവി സങ്കേതത്തിലെ ലയണ്‍ സഫാരി പാര്‍ക്കില്‍ വിട്ടു. ആരോഗ്യനില പരിശോധിച്ചതിനുശേഷം കാട്ടിലേക്ക് വിടും.  ഞായറാഴ്ച രാത്രി 10.45ഓടെ മയക്കുവെടിയേറ്റ പുലിക്ക് ഇന്നു പുലര്‍ച്ചെ ഒന്നോടെയാണ് ബോധം തിരിച്ചുകിട്ടിയത്.

ആറര വയസ് പ്രായംവരുന്ന ആണ്‍ പുലിയാണ് പിടിയിലായതെന്നും പൂര്‍ണ ആരോഗ്യവാനാണെന്നും വനംവകുപ്പ് അധികൃതര്‍ അറിയിച്ചു. വയനാട് വന്യജീവി സങ്കേതത്തിലെ വെറ്ററിനറി ഓഫിസറും മയക്കുവെടി വിദഗ്ധനുമായ ഡോ. അരുണ്‍ സക്കറിയയുടെ നേതൃത്വത്തിലുള്ള സംഘം പുലിയെ വിശദമായ വൈദ്യപരിശോധനയ്ക്ക് വിധേയമാക്കിയിരുന്നു.