ചേളാരി: സുന്നി യുവജനസംഘം സംസ്ഥാന കമ്മിറ്റി ഫെബ്രുവരി, മാര്‍ച്ച്, ഏപ്രില്‍ മാസങ്ങളില്‍ നടത്തുന്ന സുന്നി അഫ്കാര്‍ ത്രൈമാസ പ്രചാരണ കാംപയിനിന്റെ സംസ്ഥാനതല ഉദ്ഘാടനം ഇന്ന് രാവിലെ 10.30നു ചെര്‍പ്പുളശ്ശേരിയില്‍ എസ്.വൈ.എസ് സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ ജമലുല്ലൈലി തങ്ങള്‍ നിര്‍വഹിക്കും. പി.കെ ഇമ്പിച്ചിക്കോയ തങ്ങള്‍ അധ്യക്ഷനാകും. സമസ്ത ജില്ലാ പ്രസിഡന്റ് കെ.പി.സി തങ്ങള്‍ വല്ലപ്പുഴ, ട്രഷറര്‍ സി.കെ.എം സ്വാദിഖ് മുസ്‌ലിയാര്‍, എം.ടി കുഞ്ഞുമുഹമ്മദ് മുസ്‌ലിയാര്‍ സംബന്ധിക്കും.
സമസ്തയുടെ സംഘടനാ സന്ദേശ പ്രചരണം ലക്ഷ്യമാക്കി ദര്‍സ്, അറബിക് കോളജുകള്‍, മസ്ജിദുകള്‍, ലൈബ്രറികള്‍, വായനശാലകള്‍ എന്നിവയെ ഉള്‍പ്പെടുത്തി വിവിധ പദ്ധതികള്‍ക്കാണ് കാംപയിന്‍ കാലയളവില്‍ രൂപം നല്‍കിയിട്ടുള്ളത്. കാംപയിനിന്റെ ഭാഗമായി ഫെബുവരി ആറിന് മലപ്പുറത്തും 15ന് വയനാട്ടിലും ജില്ലാ കണ്‍വന്‍ഷനുകള്‍ നടക്കും.