റിയാദ്: യമനിൽ തടവുകാരെ പാർപ്പിച്ച ക്യാംപിനു നേരെ വിമത വിഭാഗമായ ഹൂതികൾ നടത്തിയ ഷെല്ലാക്രമണത്തിൽ ഏഴു പേർ കൊല്ലപ്പെടുകയും മുപ്പത് പേർക്ക് പരിക്കേൽക്കുകയും ചെയ്‌തു.  ഹജ്ജഹ് പ്രവിശ്യയിലെ ഹറാദയിലെ ക്യാംപിനു നേരെയാണ് ആക്രമണം നടന്നത്.

 

പരിക്കേറ്റവരിൽ സ്ത്രീകളും കുട്ടികളും ഉൾപ്പെട്ടിട്ടുണ്ടെന്നു അൽ അറബിയ ചാനൽ റിപ്പോർട്ട് ചെയ്‌തു. ഉന്നം പിഴക്കാത്ത ഗൈഡഡ് മിസൈലുകൾ ഉപയോഗിച്ചാണ് ആക്രമണം നടന്നത്. അതേസമയം, ശക്തമായ പ്രത്യാക്രമണം നടത്തിയെന്നും മിസൈലുകൾ ശേഖരിച്ച കേന്ദ്രം നശിപ്പിച്ചുവെന്നും യമൻ സൈന്യം അറിയിച്ചു. സമാധാന കരാർ പ്രകാരം വെള്ളിയാഴ്ച്ച യു എൻ സംഘം ഇവിടെ നടത്തുന്ന സന്ദർശനം തടയുകയെന്ന ലക്ഷ്യത്തോടെയാണ് ഹൂതികൾ പ്രവർത്തിച്ചതെന്ന് യമൻ വാർത്താ ഏജൻസി വ്യക്തമാക്കി.