തിരുവനന്തപുരം: സ്റ്റേറ്റ് റിസോഴ്‌സ് സെന്ററിന് കീഴിലെ എസ്.ആര്‍.സി കമ്മ്യൂണിറ്റി കോളജില്‍ നടത്തുന്ന സര്‍ട്ടിഫിക്കറ്റ് ഇന്‍ യോഗ ആന്റ് പേഴ്‌സണാലിറ്റി ഡവലപ്‌മെന്റ് കോഴ്‌സിന് അപേക്ഷിക്കാനുള്ള തീയതി മാര്‍ച്ച് 15 വരെ ദീര്‍ഘിപ്പിച്ചു.  വിദൂരവിദ്യാഭ്യാസ രീതിയിലുള്ള കോഴ്‌സിന് ആറ് മാസമാണ് കാലാവധി.  സ്വയം പഠനത്തിന് ഉതകുന്ന പഠന സാമഗ്രികള്‍, സമ്പര്‍ക്ക ക്ലാസുകള്‍, പ്രാക്ടിക്കല്‍ ട്രെയിനിംഗ് എന്നിവ പഠിതാക്കള്‍ക്ക് നല്‍കും.  കോഴ്‌സ് വിജയകരമായി പൂര്‍ത്തിയാക്കുന്നവര്‍ക്ക് സ്റ്റേറ്റ് റിസോഴ്‌സ് സെന്റര്‍ നല്‍കുന്ന സര്‍ട്ടിഫിക്കറ്റും ലഭിക്കും. വിലാസം: ഡയറക്ടര്‍ സ്റ്റേറ്റ് റിസോഴ്‌സ് സെന്റര്‍, നന്ദാവനം, വികാസ് ഭവന്‍, പി.ഒ, തിരുവനന്തപുരം 33, ഫോണ്‍: 0471 2325101, 2325102 പൂരിപ്പിച്ച അപേക്ഷകള്‍ ലഭിക്കേണ്ട അവസാന തീയതി മാര്‍ച്ച് 15.