തലയോലപ്പറമ്പ്: എഴുത്തുകാരനെ ലോക വായനയ്ക്കു മുന്നില്‍ പരിചയപ്പെടുത്തുന്നതു വിവര്‍ത്തനമാണെന്നു പ്രശസ്ത വിവര്‍ത്തക അച്ചാമ്മ കോയില്‍ പറമ്പില്‍ ചന്ദ്രശേഖരന്‍. ഭാഷാപരമായ മതിലുകള ഇല്ലാതാക്കി വായനയെ ലളിതമാക്കുകയാണ് വിവര്‍ത്തകന്‍ ചെയ്യുന്നത്. 1982-ല്‍ ബഷീര്‍ കൃതികള്‍ ഭാരതീയേതര ഭാഷകളിലെക്ക് ആര്‍.ഇ ആഷറിനൊടപ്പം വിവര്‍ത്തനം നടത്തിയ അനുഭവം പങ്കുവയ്ക്കുകയായിരുന്നു അച്ചാമ്മ. ഒരു പുസ്തകത്തെ പ്രശസ്തമാക്കാനും അപ്രസക്തമാക്കാനും ഒരൊറ്റ വാക്കു മതി എന്ന് അവര്‍ ചൂണ്ടിക്കാട്ടി.
ബഷിറിന്റെ ജന്മനാടായ തലയോലപ്പറമ്പില്‍ കാല്‍ നൂറ്റാണ്ടായി പ്രവര്‍ത്തിക്കുന്ന ബഷീര്‍ സ്മാരക സമിതിയുടെ നേതൃത്വത്തില്‍ ബഷിര്‍ കൃതികളായ ബാലികാലസഖിയുടെ 75-മത് വാര്‍ഷികവും പാത്തുമ്മയുടെ ആടിന്റെ 60-മത് വാര്‍ഷികവും ഉദ്ഘാടനം ചെയ്യുകയായിരുന്നു അച്ചാമ്മ. മലയാള ഭാഷ സമ്പന്നമായത് പരിഭാഷകളിലൂടെയാണെണ് ചൂണ്ടിക്കാട്ടിയ അച്ചാമ്മ എല്ലാ ഭാഷയിലെ വിവര്‍ത്തനങ്ങളെയും വായിക്കുന്ന മലയാളിക്ക് ഒരിക്കല്ലും ഭാഷയുടെ അതിര്‍വരമ്പ് തോന്നാറില്ല എന്ന് അവര്‍ പറഞ്ഞു.
തലയോലപ്പറമ്പ് അലിക്കുഞ്ഞ് ആര്‍ക്കേഡ് ഹാളില്‍ നടന്ന 63 -ാമത് അമ്മ മലയാളം സാഹിത്യ കൂട്ടായ്മയില്‍ ബഷീര്‍ സ്മാരക സമിതി വൈസ് ചെയര്‍പേഴ്‌സന്‍ പ്രൊഫ. കെ.എസ് ഇന്ദു മോഡറേറ്റര്‍ ആയി. ബഷീര്‍ കഥാപാത്രങ്ങളായ ഖദീജ, സെയ്തുമുഹമ്മദ്, മാധ്യമ പ്രവര്‍ത്തകന്‍ സണ്ണി ചെറിയാന്‍, ഡോ. യു. ഷംല, മോഹന്‍.ഡി. ബാബു', പി.ജി.ഷാജിമോന്‍, ഡോ.വി.ടി.ജലാജകുമാരി, ഡോ.എസ്.പ്രീതന്‍, എം.ഗോപാലകൃഷ്ണന്‍, രമണന്‍ കടമ്പറ, ഇടവട്ടം ജയകുമാര്‍,കെ.ആര്‍.സുശീലന്‍, എം.കെ.ഷിബു, കെ.കെ.സ ചിവോത്തമന്‍ എന്നിവര്‍ പ്രസംഗിച്ചു. സി. ഗിരിജന്‍ ആചാരി, ഡോ.വി.മദനകുമാരന്‍, മോഹന്‍ ദാസ് ,ശ്രീധരന്‍ നട്ടാറശ്ശേരി എന്നിവര്‍ കവിതകള്‍ ആലപിച്ചു.