വടക്കാഞ്ചേരി: ലയണ്‍സ് ക്ലബ്ബിന്റെ ജീവ കാരുണ്യ പ്രവര്‍ത്തനങ്ങളുടെ ഭാഗമായി അകമല സ്വദേശിനിയും, വിധവയുമായ ആശാരിപ്പറമ്പില്‍ ലീലയുടെ വീട്ടില്‍ വൈദ്യുതി വെളിച്ചമെത്തി. നിര്‍ധന കുടുംബത്തിന്റെ ദുരിതം കേട്ടറിഞ്ഞ് സേവന സന്നദ്ധതയുമായി ലയണ്‍സ് ക്ലബ്ബ് എത്തുകയായിരുന്നു.
വൈദ്യുതീകരിച്ച് കണക്ഷനും ക്ലബ്ബ് എടുത്ത് നല്‍കി. സ്വിച്ച് ഓണ്‍ കര്‍മ്മം നഗരസഭ സ്ഥിരം സമിതി അധ്യക്ഷന്‍ എന്‍.കെ പ്രമോദ് കുമാര്‍ നിര്‍വഹിച്ചു. ലയണ്‍സ് ക്ലബ്ബ് പ്രസിഡന്റ് സുഭാഷ് പുഴയ്ക്കല്‍ അധ്യക്ഷനായി. സെക്രട്ടറി യു.കരുണാകരന്‍, തോമസ് തരകന്‍, തോമാസ് ചിറ്റിലപ്പിള്ളി എന്നിവര്‍ പ്രസംഗിച്ചു.