ചെറുതുരുത്തി:  വെള്ളമില്ലാ നാട്ടില്‍ വൈദ്യൂതി അമൂല്യ വസ്തുവായി മാറികൊണ്ടിരിക്കുമ്പോള്‍  വൈദ്യൂതി പാഴാക്കി ഉദ്യോഗസ്ഥര്‍.
പകല്‍ പത്തിനും കേരള കലാമണ്ഡലത്തിന് മുമ്പില്‍ ഹൈമാസ്റ്റ് വിളക്ക് കത്തി കിടക്കുന്നതായി വൈദ്യുതി വകുപ്പ് ഓഫീസില്‍ വിളിച്ചറിയിച്ച മാധ്യമ പ്രവര്‍ത്തകന് ചെറുതുരുത്തി സെക്ഷന്‍ വൈദ്യുതി വകുപ്പ് ഓഫിസില്‍ നിന്ന് ലഭിച്ചത് എറെ വിചിത്രമായ മറുപടി.
വിളക്ക് കെടുത്താന്‍  സി .പി.എം ലോക്കല്‍ കമ്മിറ്റി ഓഫിസില്‍ വിളിച്ച് പറയണമെന്നായിരുന്നു മറുപടി ലഭിച്ചത്. താക്കോല്‍ പാര്‍ട്ടി ഓഫിസിലാണത്ര. തുടര്‍ന്ന് മാധ്യമ പ്രവര്‍ത്തകന്‍ ഉന്നത ഉദ്യോഗസ്ഥരെ ബന്ധപ്പെട്ടപ്പോള്‍ ക്ഷമ ചോദിക്കലായി. താക്കോല്‍ പാര്‍ട്ടി ഓഫിസില്‍ തന്നെയെന്ന് അവരും സ്ഥിരീകരിച്ചു.  ഉടന്‍ വിളക്ക് കെടുത്താമെന്ന മറുപടിയും നല്‍കി. പതിനൊന്ന്  മണിയോടെ് ലൈറ്റ് ഓഫാക്കുകയും ചെയ്തു.