കൊടുങ്ങല്ലൂര്‍: ദേശീയ സ്‌കൂള്‍ കായികമേളയില്‍ ഒന്നാംസ്ഥാനം കരസ്ഥമാക്കിയ കേരള ടീമംഗം വി.എച്ച്. അഷ്ഫാക്കിന് ജന്മനാട് സ്വീകരണം നല്‍കി.
അഴീക്കോട് കൊട്ടിക്കല്‍ ക്ഷേത്രമൈതാനിയില്‍ ജനകീയ കൂട്ടായ്മ സംഘടിപ്പിച്ച സ്വീകരണ സമ്മേളനം ഇ.ടി. ടൈസണ്‍ എം.എല്‍.എ. ഉദ്ഘാടനം ചെയ്തു.
സംഘാടക സമിതി ചെയര്‍മാന്‍ കെ.കെ. അനില്‍കുമാര്‍ അധ്യക്ഷനായി. പഞ്ചായത്ത് പ്രസിഡന്റ് പ്രസാദിനി മോഹനന്‍ മുഖ്യാതിഥിയായിരുന്നു. ജില്ലാ പഞ്ചായത്ത് അംഗം കെ.എ. നൗഷാദ്, പി.എച്ച്. മഹേഷ്, പി.എസ്. മണിലാല്‍, ഷായി അയ്യാരില്‍, സി.പി. സുനില്‍ പ്രസംഗിച്ചു.