മണ്ണാര്‍ക്കാട്: തിരുവിഴാംകുന്നിലെ കോളജ് ഓഫ് ഏവിയന്‍ സയന്‍സ് ആന്‍ഡ് മാനേജ്‌മെന്റ് ഹാളില്‍ ഇന്നുരാവിലെ 10ന് കര്‍ഷക ശാസ്ത്രസംഗമം നടക്കും. കാലാവസ്ഥാ വ്യതിയാനം കോഴിവളര്‍ത്തല്‍ മേഖലയില്‍ ഉണ്ടാക്കുന്ന ആഘാതങ്ങളെക്കുറിച്ചുളള അന്വേഷണാത്മക പഠനവും, പരിഹാര നിര്‍ദേശങ്ങളും രൂപപ്പെടുത്തുകയാണ് സംഗമം കൊണ്ട് ലക്ഷ്യമാക്കുന്നത്.
ജില്ലയിലെ തെരഞ്ഞെടുക്കപ്പെട്ട 50 കര്‍ഷകരും, സര്‍വകലാശാലയിലേയും മൃഗസംരക്ഷണ വകുപ്പിലെയും വിദഗ്ധ ശാസ്ത്രജ്ഞരും സംബന്ധിക്കും.
പരിപാടി അഡ്വ.എന്‍ ഷംസുദ്ദീന്‍ എം.എല്‍.എ ഉദ്ഘാടനം ചെയ്യും. ഗ്രാമപഞ്ചായത്ത് പ്രസിഡന്റ് മുഹമ്മദ് ഇല്ല്യാസ് അധ്യക്ഷനാകും.
വെറ്ററിനറി സര്‍വകലാശാല രജിസ്ട്രാര്‍ ഡോ.ജോസഫ് മാത്യു മുഖ്യപ്രഭാഷണം നടത്തും. അക്കാദമിക് ഡയരക്ടര്‍ ഡോ.കെ ദേവത, ഡോ.സിസിലാമ്മ ജോര്‍ജ്ജ്, ഡോ. ജി. ഗിരീഷ് വര്‍മ്മ, ഡോ.ഷിബു സൈമണ്‍, ഡോ.ബി. അജിത് ബാബു, എം. പ്രദീപ്, കെ.എം സുശീല സംബന്ധിക്കും.