ആനക്കര: അഴിമതി വര്‍ധിക്കുന്നത് പ്രതികരണമില്ലാത്തതിനാല്‍ അഡ്വ. ജയശങ്കര്‍. ആനക്കര പ്രതികരണ വേദി ആനക്കര ഗവ.ഹയര്‍സെക്കന്‍ഡറി സ്‌കൂളിന് നിര്‍മിച്ചു നല്‍കിയ പ്രവേശന കവാടത്തിന്റെ ഭാഗമായി ആനക്കരയില്‍ നടന്ന പൊതുസമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഗ്രാമങ്ങളില്‍ പോലും അഴിമതി ക്യാന്‍സര്‍ പോലെ പടര്‍ന്നു പിടിക്കുന്ന സാഹചര്യങ്ങളിലാണ് രാഷ്ട്രീയ പിന്‍ബലമില്ലാതെ നാട്ടുകാര്‍ക്കായി ഇത്തരത്തിലുളള പ്രതികരണ വേദികള്‍ ഉടലെടുക്കുന്നത് അദ്ദേഹം പറഞ്ഞു.
നന്മയുടെ പക്ഷം പിടിക്കേണ്ട രാഷ്ട്രീയകക്ഷികളും ഉദ്യോഗസ്ഥരും അഴിമതിക്കായി കൈക്കോര്‍ക്കുന്ന അവസ്ഥയാണ് ഇന്ന് കേരളത്തിലുളളത്. എന്തിനേറെ വിദ്യാഭ്യാസ മേഖല പോലും അഴിമതിയുടെ കൂത്തരങ്ങായി മാറി അഡ്വ. രവിശങ്കര്‍ പറഞ്ഞു. ചടങ്ങില്‍ എം.പി സതീഷ് അധ്യക്ഷനായി.
രവീന്ദ്രന്‍ മൂന്നുകുടിയില്‍, എം.എസ്. മുണ്ട്രക്കോട്, പുതുമന രവീന്ദ്രന്‍, പി.സി. രാജു, ചെല്ലക്കുട്ടി, എം.കെ. രാമചന്ദ്രന്‍ പ്രസംഗിച്ചു.
ചടങ്ങില്‍ ഗിന്നസ് ബുക്കില്‍ ഇടം നേടിയ ഡോ. സെയ്തലവിയേയും സംഘത്തെയും ആദ്യ കാലം മുതല്‍ പ്രതികരണവേദിയില്‍ പ്രവര്‍ത്തിക്കുന്ന പി.സി. വേലായുധന്‍, കമാനത്തിന്റെ നിര്‍മാണം നടത്തി ആസിഫ് എന്നിവരെയും ചടങ്ങില്‍  ആദരിച്ചു.