കാളികാവ്: കരുവാരകുണ്ട് പാലിയേറ്റീവ് സംഘടിപ്പിച്ച ഫുട്‌ബോള്‍ ടൂര്‍ണമെന്റില്‍നിന്നു ലഭിച്ച സമ്മാനത്തുക ഭവന നിര്‍മാണത്തിനു നല്‍കിയാണ് അരിമണല്‍ ഓറിയോണ്‍ ക്ലബ് മാതൃകയായി. കരുവാരകുണ്ട് പാലിയേറ്റീവിന്റെ വിഭവ സമാഹാരണത്തിനു വേണ്ടിയാണ് ടൂര്‍ണമെന്റ് നടത്തിയിരുന്നത്.
ഇതില്‍ ഓറിയോണ്‍ ക്ലബാണ് ജേതാക്കളായിരുന്നത്.
സമ്മാനത്തുകയില്‍നിന്നു കളിക്കു ചിലവായ തുക കഴിച്ച് അരിമണലിലെ ഒരു കുടുംബത്തിനു നിര്‍മിക്കുന്ന ഭവന നിര്‍മാണത്തിലേക്കു നല്‍കുകയായിരുന്നു. നാട്ടുകാര്‍ ചേര്‍ന്നു നിര്‍മിക്കുന്ന വീടിനായി കളിക്കാരില്‍നിന്നു വലിയ തുക ലഭിച്ചതു വലിയ ആശ്വാസമായിരിക്കുകയാണെന്നു നിര്‍മാണ കമ്മിറ്റി ഭാരവാഹികള്‍ പറഞ്ഞു. ക്ലബ് ഭാരവാഹികള്‍ സമ്മാനത്തുക കൈമാറി. ഭവന നിര്‍മാണ കമ്മിറ്റി രക്ഷാധികാരിയായ കരുവാരകുണ്ട് എസ്.ഐ ജ്യോതീന്ദ്രകുമാര്‍, കരുവാരകുണ്ട് ഗ്രാമപഞ്ചായത്ത് അംഗങ്ങളായ ലത്വീഫ് മഠത്തില്‍, കുര്യച്ചന്‍, കേരളാ പഴയ കടക്കല്‍ പ്രഥമാധ്യാപകന്‍ കെ.കെ ജയിംസ്, സലീം തുടങ്ങിയവര്‍ ചേര്‍ന്നു സമ്മാനത്തുക ഏറ്റുവാങ്ങി.