നിലമ്പൂര്‍: ദുരന്തനിവാരണ സേന മതില്‍ മൂല, ചെട്ടിയന്‍പാറ കോളനികളില്‍ സന്ദര്‍ശനം നടത്തി. പ്രളയബാധിത കേന്ദ്രങ്ങള്‍ സന്ദര്‍ശിച്ചു ബോധവല്‍ക്കരണം നല്‍കുന്നതിന്റെ ഭാഗമായാണ് സന്ദര്‍ശനം. ചെന്നൈ ആര്‍ക്കേണം എന്‍.ഡി.ആര്‍.എഫ് യൂനിറ്റിലെ ടീം കമാന്‍ഡര്‍ എ.കെ അമറിന്റെ നേതൃത്വത്തിലുള്ള എട്ടംഗ സംഘമാണ് സന്ദര്‍ശനം നടത്തിയത്.
പൊന്നാനി, തിരൂര്‍, ഏറനാട് താലൂക്കുകളിലെ പ്രളയബാധിത കേന്ദ്രങ്ങള്‍ സന്ദര്‍ശിച്ച ശേഷമാണ് സംഘം നിലമ്പൂരിലെത്തിയത്. 31നു സംഘം ചെന്നൈയിലേക്കു മടങ്ങും. ജവാന്‍മാരായ എന്‍.പി ബിജു, ആര്‍. മുരുകേശ്, ജി. പ്രദീഷ്, നിലമ്പൂര്‍ താലൂക്ക് ഡെ. തഹസില്‍ദാര്‍ കെ. രാജഗോപാല്‍, കുറുമ്പലങ്ങോട് വില്ലേജ് ഓഫിസര്‍ ഇന്‍ ചാര്‍ജ് രാജേഷ്, കെ.എം നിഷാദ് പങ്കെടുത്തു.