പൂച്ചാക്കല്‍: വീടിന് സമീപത്തെ കുളത്തില്‍ വീണ് സഹോദരങ്ങള്‍ മരിച്ചു. പെരുമ്പളം പഞ്ചായത്ത് പതിമൂന്നാം വാര്‍ഡില്‍ പടിഞ്ഞാറേ കെയിക്കാട്ട് രാജേഷ് സരിത ദമ്പതികളുടെ മക്കളായ സൂര്യന്‍ (ആറ്), സൂരജ് (നാല്) എന്നിവരാണ് മരിച്ചത്. ഇന്നലെ വൈകിട്ട് 4.30 നായിരുന്നു സംഭവം. കളിച്ചുകൊണ്ടിരിക്കയായിരുന്ന കുട്ടികളെ കാണാതായതിനെ തുടര്‍ന്ന് നടത്തിയ അന്വേഷണത്തിലാണ് സമീപത്തെ കുളക്കടവില്‍ കുട്ടികളുടെ ചെരിപ്പുകണ്ടത്.

തുടര്‍ന്ന് നടത്തിയ തിരച്ചിലിലാണ് കുട്ടികള്‍ കുളത്തില്‍ മരിച്ചു കിടക്കുന്നതായി കണ്ടെത്തിയത്. സൂര്യന്‍ പെരുമ്പളം പനമ്പ്കാട് എല്‍.പി.സ്‌കൂളിലെ ഒന്നാം ക്ലാസ് വിദ്യാര്‍ഥിയാണ്. പൂച്ചാക്കല്‍ എസ്.ഐ. ജി.സുരേഷ്‌കുമാറിന്റെ നേതൃത്വത്തിലുള്ള പൊലിസ് മേല്‍നടപടികള്‍ സ്വീകരിച്ചു.