പൈവളികെ: ആത്മീയതയും സഹവര്‍ത്തിത്വവും കലര്‍ന്നതാണ് കേരള മുസ്‌ലിമീങ്ങളുടെ നാഗരികതയെന്നും അത് തനിമയോടെ സംരക്ഷിക്കണമെന്നും മാപ്പിളപ്പാട്ട് ഗവേഷകന്‍ ഫൈസല്‍ എളേറ്റില്‍ പറഞ്ഞു. പയ്യക്കി ഉസ്താദ് ഇസ്‌ലാമിക് അക്കാദമി വിദ്യാര്‍ഥി സംഘടന 'സആദ' സംഘടിപ്പിച്ച അന്‍സാരിയ കലോത്സവത്തിന്റെ സമാരംഭ സംഗമത്തില്‍ മുഖ്യപ്രഭാഷണം നടത്തി സംസാരിക്കുകയായിരുന്നു അദ്ദേഹം.സമസ്ത കാസര്‍കോട് ജില്ലാ ജനറല്‍ സെക്രട്ടറി യു.എം അബ്ദുല്‍ റഹ്മാന്‍ മുസ്‌ലിയാര്‍ ഉദ്ഘാടനം ചെയ്തു. സ്ഥാപന ചെയര്‍മാന്‍ അബ്ദുല്‍ മജീദ് ദാരിമി അധ്യക്ഷനായി. പള്ളിക്കര സംയുക്ത ജാമാഅത് ഖാസി ഇ.കെ മഹ്മൂദ് മുസ്‌ലിയാരെ ആദരിച്ചു. പി.എ അബൂബക്കര്‍ ഹാജി, ടി.പി കുഞ്ഞബ്ദുല്ലാഹ് ഹാജി, അബ്ബാസ് ഹാജി, സ്വാലിഹ് മാസ്റ്റര്‍, ഹംസ പള്ളിക്കര, ഹനീഫ് ഹാജി, ഹമീദ് ഹാജി, ഹാരിസ് , സ്വാലിഹ് കളായി, ഇബ്രാഹിം ഹാജി, യൂസുഫുല്‍ ഖാസിമി, റഫീഖ് ബാഖവി, അഷ്‌റഫ്, ജംബോ ഖാദര്‍, റാസിഖ് ഹുദവി , അദ്‌നാന്‍ അന്‍സാരി, റിയാസ് ബാഖവി, ലത്തീഫ് ദാരിമി, ഉസ്മാന്‍ ഹുദവി സംബന്ധിച്ചു.