നിലമ്പൂര്‍: പത്രങ്ങളില്‍ പരസ്യം ചെയ്തു വിവാഹത്തട്ടിപ്പ് നടത്തിയ കേസിലെ പ്രതി പട്ടാമ്പി പുതിയാപ്ല മജീദിനെ പൊലിസ് കസ്റ്റഡിയില്‍ വാങ്ങി. സ്വര്‍ണ പാദസരം തട്ടിയെടുത്തുവെന്നു കാണിച്ച് ചുങ്കത്തറ സ്വദേശിനി നല്‍കിയ പരാതിയിലാണ് ഇയാളെ അറസ്റ്റ് ചെയ്തത്.
പത്രങ്ങളിലെ വാര്‍ത്തയും ഫോട്ടോയുംകണ്ടു സംസ്ഥാനത്തിന്റെ വിവിധ ഭാഗങ്ങളില്‍നിന്നു യുവതികള്‍ നിലമ്പൂര്‍ സ്‌റ്റേഷനില്‍ പരാതിയുമായി എത്തി. എറണാകുളത്തെ സ്വകാര്യ സ്ഥാപനത്തിലെ ജീവനക്കാരിയായ പാലക്കാട്ടെ യുവതിയില്‍നിന്നു പത്തുപവന്‍ സ്വര്‍ണാഭരണം തട്ടിയെടുത്തുവെന്ന പരാതിയുമായി യുവതിയും മാതാവും ഇന്നലെ നിലമ്പൂര്‍ സ്‌റ്റേഷനിലെത്തി. പ്രതിയെ ഇവര്‍ അക്രമിക്കാന്‍ മുതിര്‍ന്നെങ്കിലും പൊലിസ് ഇടപെട്ട് രംഗം ശാന്തമാക്കി. പ്രതിയെ നാളെ കോടതിയില്‍ തിരികെ ഹാജരാക്കും.