കാട്ടിക്കുളം: ജൈവ പച്ചക്കറി കൃഷിയില്‍ മാതൃകയായി തോല്‍പെട്ടി ഗവ. ഹെസ്‌ക്കൂള്‍. പരിസരത്താകെ ജൈവ പച്ചകറി കൃഷി ചെയ്താണ് ഒരു കൂട്ടം വിദ്യാര്‍ഥികളും അധ്യാപകരും മാതൃകയായത്. കഴിഞ്ഞ അഞ്ച് വര്‍ഷമായി സ്‌കൂള്‍ പരിസരത്ത് നട്ട് വളര്‍ത്തിയ ജൈവ പച്ചക്കറിയാണ് സ്‌കൂള്‍ ആവശ്യത്തിന് ഉപയോഗിക്കുന്നത്.
പച്ചക്കറി കൃഷിയില്‍ പ്രത്യേക പഠന ക്ലാസുകളും പ്രധാന അധ്യാപകന്‍ രമേഷ് ബാബു, അധ്യാപകനും നോഡല്‍ ഓഫീസറുമായ ജയറാം, പി.ടി.എ പ്രസിഡന്റ് സന്തോഷ് എന്നിവര്‍ വിദ്യാര്‍ഥികള്‍ക്ക് നല്‍കുന്നുണ്ട്. തക്കാളി, വഴുതിന, പച്ചമുളക്, ചീര എന്നിവയാണ് സ്‌കൂള്‍ മുറ്റത്ത് വിളയിക്കുന്നത്.
വിളവെടുപ്പ് ആലോഷവും കുട്ടികള്‍ നടത്തുന്നുണ്ട്. കഴിഞ്ഞ ദിവസത്തെ വിളവെടുപ്പ് പഞ്ചായത്ത് പ്രസിഡന്റ് മായാദേവി നിര്‍വഹിച്ചു. തികച്ചും വിഷരഹിത പച്ചക്കറിയാണ് ഭക്ഷണത്തോടൊപ്പം ഇവിടെ വിളമ്പുന്നത്.