തേഞ്ഞിപ്പലം: മുപ്പതോളം കുടുംബങ്ങള്‍ താമസിക്കുന്ന തേഞ്ഞിപ്പലം ചെറുതൊടി കോളനി നിവാസികള്‍ക്ക് പാടാട്ടാല്‍ ഡെയ്ഞ്ചര്‍ ബോയ്‌സ് ക്ലബ് പ്രവര്‍ത്തകര്‍ കുടിവെള്ള വിതരണം നടത്തി. വാട്ടര്‍ അതോറിറ്റിയുടെ വെള്ളം എത്തിതുടങ്ങുന്നത് വരെ ക്ലബ് പ്രവര്‍ത്തകരുടെ കുടിവെള്ള വിതരണം തുടരുമെന്ന് ഭാരവാഹികള്‍ പറഞ്ഞു. അതേസമയം സാമൂഹികവിരുദ്ധര്‍ നശിപ്പിച്ച വെള്ളക്കുഴലിന്റെ വാള്‍വ് അധികൃതര്‍ മാറ്റിസ്ഥാപിച്ചു. ജലവിതരണത്തിന് കള്ളിയില്‍ മുനീര്‍,രാജേഷ് മൂച്ചിക്കല്‍,എം.റിയാസ്,എം.ലത്തീഫ്,കെ.ശാഫി നേതൃത്വം നല്‍കി.