അന്റല്യ: ഇന്ത്യന്‍ പുരുഷ വിഭാഗം അമ്പെയ്ത്ത് ടീമിനു റിയോ ഒളിംപിക്‌സിലേക്ക് യോഗ്യത നേടാന്‍ സാധിച്ചില്ല. ഒളിംപിക് യോഗ്യത നേടാനുള്ള അവസാന അവസരമായ അമ്പെയ്ത്ത് ലോകകപ്പിന്റെ സ്റ്റേജ് മൂന്നിലെ ക്വാര്‍ട്ടര്‍ ഫൈനലില്‍ തോറ്റതോടെയാണ് ഇന്ത്യന്‍ പുരുഷ ടീമിനു യോഗ്യത നഷ്ടമായത്. അതനു ദാസ്, ജയന്ത തലുക്ദര്‍, മംഗള്‍ സിങ് ചാംപിയ എന്നിവരടങ്ങിയ ടോപ് സീഡ് സംഘം റാങ്കിങില്‍ താഴെയുള്ള മലേഷ്യയോടു 4-5 (27-28) സ്‌കോറിനു പരാജയപ്പെടുകയായിരുന്നു. മംഗള്‍ സിങ് ചാംപിയയുടെ ദയനീയ പ്രകടനമാണ് ഇന്ത്യക്ക് തിരിച്ചടിയായത്.