തളിപ്പറമ്പ്: ചിട്ടിത്തുക നല്‍കാതെ കബളിപ്പിച്ചുവെന്നാരോപിച്ച് സ്വകാര്യചിട്ടി സ്ഥാപനത്തില്‍ ഡി.വൈ.എഫ്.ഐ പ്രതിഷേധം. മന്നയിലെ പി.ടി.ബി ചിറ്റ്‌സ് പ്രൈവറ്റ് ലിമിറ്റഡിനു മുന്നിലാണ് ആലക്കോട് ബ്ലോക്ക് കമ്മിറ്റിയുടെ നേതൃത്വത്തില്‍ ഡി.വൈ.എഫ്.ഐ പ്രവര്‍ത്തകര്‍ കുത്തിയിരിപ്പു സമരം നടത്തിയത്. ചപ്പാരപ്പടവ് തുയിപ്ര സ്വദേശി കെ.പി ഷെരീഫ് ചിട്ടിയില്‍ ചേര്‍ന്നിരുന്നു. 17 മാസക്കാലാവധിയുള്ള ചിട്ടിയില്‍ ഷെരീഫിന് ഇക്കഴിഞ്ഞ നവംബറില്‍ 80,000 രൂപ ലഭിക്കേണ്ടതായിരുന്നു. എന്നാല്‍ 20,000 രൂപ മാത്രം നല്‍കി ചിട്ടി ഉടമ കബളിപ്പിച്ചുവെന്നാണ് ആരോപണം. സി.കെ അജീഷ്, സി ഷഫീര്‍, അരുണ്‍ ജോയ് എന്നിവര്‍ പ്രതിഷേധത്തിന് നേതൃത്വം നല്‍കി.