മണ്ണാര്‍ക്കാട്: താലൂക്ക് ആശുപത്രിയില്‍ ഇന്നലെ നടന്ന ബ്ലഡ് ബാങ്കിന്റെ ഉദ്ഘാടനം നഗരസഭ ചെയര്‍പേഴ്‌സന്‍ ഉള്‍പ്പെടെ ലീഗ് ജനപ്രതിനിധികള്‍ ബഹിഷ്‌കരിച്ചു. ഉദ്ഘാടന ചടങ്ങില്‍ എം.എല്‍.എ ഷംസുദ്ദീന് പങ്കെടുക്കാനാകാത്ത സാഹചര്യത്തില്‍ സര്‍ക്കാര്‍ സര്‍ക്കുലര്‍ ചൂണ്ടിക്കാട്ടിയാണ് ബഹിഷ്‌കരണമെന്ന് സുബൈദ പറഞ്ഞു.
ഉദ്ഘാടന ദിവസം പ്രഖ്യാപിക്കുന്നതിനിടെ ഹോസ്പ്പിറ്റല്‍ മാനേജ്‌മെന്റ് കമ്മിറ്റിയില്‍ എം.എല്‍.എ ഷംസുദ്ദീന് പങ്കെടുക്കാനാകാത്ത സാഹചര്യം അറിയിച്ചിരുന്നു. അതേസമയം എം.പിയുടെ തിരക്ക് മൂലമാണ് 28ാം തിയ്യതി തന്നെ ഉദ്ഘാടനം പ്രഖ്യാപിക്കുകയായിരുന്നു.
നിയമസഭാ സമ്മേളനം നടക്കുന്ന സമയത്ത് എം.എല്‍.എ പങ്കെടുക്കേണ്ട സര്‍ക്കാര്‍ പരിപാടികളുടെ ഉദ്ഘാടനം നടത്തരുതെന്ന സര്‍ക്കുലര്‍ നിലവിലിരിക്കെ പ്രോട്ടോക്കോള്‍ ലംഘനം കണക്കിലെടുത്താണ് ബഹിഷ്‌കരണമെന്നും സുബൈദ പറഞ്ഞു.