തലശ്ശേരി: ചൈനയില്‍ നടക്കുന്ന ഏഷ്യന്‍ ചാംപ്യന്‍ഷിപ്പില്‍ പങ്കെടുക്കാന്‍ കതിരൂര്‍ സ്വദേശി. കതിരൂര്‍ പൊന്ന്യം വെസ്റ്റ് സ്വദേശിയും പൊന്ന്യം വെസ്റ്റ് എല്‍.    പി സ്‌കൂള്‍ റിട്ടയേര്‍ഡ് അധ്യപകനുമായ ജി രവീന്ദ്രനാണ് ഏഷ്യന്‍ ചാമ്പ്യന്‍ഷിപ്പില്‍ പങ്കെടുക്കാന്‍ അര്‍ഹത നേടിയത.് ഹൈദരബാദില്‍ നടന്ന ദേശീയ മാസ്റ്റേഴ്‌സ് അത്‌ലറ്റിക് മീറ്റില്‍ റിലേയില്‍ സ്വര്‍ണവും ഹൈജംപില്‍ വെള്ളിയും നേടിയ രവീന്ദ്രന്‍ നാഷനല്‍ അക്കാദമി ഓഫ് പ്രീ റിക്രൂട്ട്‌മെന്റ് ട്രെയിനിങ് കതിരൂര്‍ യൂനിറ്റിന്റെ മുഖ്യപരിശീലകനാണ്.