കൂറ്റനാട്: കൂടല്ലൂര്‍ കടവില്‍ നിന്നും മണല്‍ കടത്തിയ കേസില്‍ രണ്ടു പേരെ തൃത്താല പൊലിസ് അറസ്റ്റ് ചെയ്തു. കഴിഞ്ഞ വര്‍ഷം ഒക്ടോബര്‍ 25 നാണ് കേസിനാസ്പദമായ സംഭവം നടന്നത്. കൂടല്ലൂര്‍ കടവില്‍ നിന്നും ടാറ്റ സുമോ വാഹനത്തില്‍ മണല്‍ കയറ്റി കൊണ്ടുവരുമ്പോഴാണ് തൃത്താല പൊലിസ് വാഹനം തടഞ്ഞത്.
എന്നാല്‍ വാഹനത്തില്‍ ഉണ്ടായിരുന്നവര്‍ ഓടി രക്ഷപ്പെടുകയായിരുന്നു. വാഹനം പൊലിസ് കസ്റ്റഡിയിലെടുത്തു. അന്വേഷണത്തില്‍ വാഹനം കോഴിക്കോട് സ്വദേശിയുടെ ഉടമസ്ഥതയിലല്ലെന്നു മനസിലായി.
തുടര്‍ന്ന് നടത്തിയ അന്വേഷണത്തില്‍ വാഹനം കൂടല്ലൂര്‍ സ്വദേശികള്‍ക്ക് വിറ്റതാണെന്നു വിവരം ലഭിച്ചു. കൂടല്ലൂര്‍ സ്വദേശികളായ മുഹമ്മദ് ഹനീഫയും, അബ്ദുള്‍ റഷീദുമാണ് മണല്‍ കടത്തിയത് എന്നും വ്യക്തമായി. ഇവരെ കോടതിയില്‍ ഹാജരാക്കി റിമാന്‍ഡ് ചെയ്തു.