തളിപ്പറമ്പ്: തൃച്ഛംബരം ശ്രീകൃഷ്ണ ക്ഷേത്രോത്സവത്തിനു ഇന്നലെ ഉച്ചയ്ക്ക് ഒന്നിന് ക്ഷേത്രം തന്ത്രിമാരായ കാമ്പ്രത്തില്ലത്ത് പരമേശ്വരന്‍ നമ്പൂതിരി, പാക്കത്തില്ലത്ത് കുഞ്ഞിക്കൃഷ്ണന്‍ നമ്പൂതിരി, പാക്കത്തില്ലത്ത് നാരായണന്‍ നമ്പൂതിരി എന്നിവരുടെ നേതൃത്വത്തില്‍ കൊടിയേറ്റി. കൊടിയേറ്റത്തിന്  ശേഷം എത്തിയ പാലമൃതിനെ ഗോവിന്ദം വിളികളോടെ ആനയിച്ചു. തുടര്‍ന്ന് പതിനായിരത്തോളം പേര്‍ക്ക് അന്നദാനവും നടന്നു. ഉത്സവത്തോടനുബന്ധിച്ച് ക്ഷേത്രത്തിലും പൂക്കോത്തുനടയിലും വിവിധ കലാസാംസ്‌കാരിക പരിപാടികള്‍ ഒരുക്കിയിട്ടുണ്ട്. മാര്‍ച്ച് 20നു വൈകിട്ട് കൂടിപ്പിരിയില്‍ ചടങ്ങോടെ ഉത്സവം സമാപിക്കും.