കല്‍പ്പറ്റ: നെഹ്‌റു യുവകേന്ദ്രയുടെ ജില്ലാതല ഇന്റര്‍ യൂത്ത് ക്ലബ് സ്‌പോര്‍ട്‌സ് മീറ്റ് ചേനംകൊല്ലി കെ.ബി.സി.ടി വായനശാല ആന്‍ഡ് ക്ലബ് ഗ്രൗണ്ടില്‍ നടത്തി. ഷട്ടില്‍ ബാഡ്മിന്റണില്‍ കരിമ്പുമ്മല്‍ കാസ്‌പൊ ക്ലബിലെ അബൂബക്കര്‍- സബീഷ് ടീം ഒന്നാം സ്ഥാനവും ആണ്ടൂര്‍ നാഷനല്‍ ക്ലബിലെ കെ.എസ് ശരജിത്ത്- ഷൈജല്‍ മുഹമ്മദ് ടീം രണ്ടാം സ്ഥാനവും നേടി. ഫുട്‌ബോള്‍ മത്സരത്തില്‍ ടി.എസ്.എ മീനങ്ങാടിയെ പരാജയപ്പെടുത്തി പനമരം ഇന്‍സൈറ്റ് ക്ലബ് ജേതാക്കളായി.സമാപന സമ്മേളനം എല്‍.ആര്‍ സ്‌പെഷ്യല്‍ ഡെപ്യൂട്ടി കലക്ടര്‍ ചാമിക്കുട്ടി ഉദ്ഘാടനം ചെയ്തു.  ആയിഷാബി അധ്യക്ഷയായി. അബൂബക്കര്‍ സാദിഖ്, നിഖില്‍ തോമസ്, മുഹമ്മദ് റമീസ്, ലിബിന്‍ മാത്യു, മുഹമ്മദ് ഷദീത്, ജസ്‌ലീന, ജിഷ്ണ, മഹിത, സി.എം സുമേഷ്, എ.പി റാഫി, കെ ഫിനോസ് കമാല്‍, എ.പി ജാഫര്‍, കെ.കെ നൗഷാദ്, കെ ഷംസുദ്ദീന്‍ സംസാരിച്ചു.