മാനന്തവാടി: നേരത്തെ നിശ്ചയിച്ച മാനന്തവാടി രൂപതയുടെ കീഴിലുള്ള രണ്ട് സ്ഥാപനങ്ങളിലെ പൊതുപരിപാടികളില്‍ നിന്നും എക്‌സൈസ് കമ്മീഷണര്‍ ഋഷിരാജ് സിങ് വിട്ടുനിന്നു.
പരിപാടികളില്‍ പങ്കെടുത്താല്‍ വിദ്യാര്‍ഥി സംഘടനകളില്‍ നിന്നും പ്രതിഷേധമുണ്ടായേക്കാമെന്ന സ്‌പെഷ്യല്‍ ബ്രാഞ്ച് റിപ്പോര്‍ട്ടിനെ തുടര്‍ന്നാണ് പരിപാടികളില്‍ പങ്കെടുക്കതിരുന്നത്. കൊട്ടിയൂര്‍ പീഡനക്കേസില്‍ പ്രതി ചേര്‍ക്കപ്പെട്ട് റിമാന്‍ഡിലായ റോബിന്‍ വടക്കന്‍ഞ്ചേരി മാനേജരായി പ്രവര്‍ത്തിച്ചിരുന്ന മേരിമാതാ കോളജ്, രൂപതക്ക് കീഴിലെ ന്യൂമാന്‍സ് കോളജ് എന്നിവിടങ്ങളിലായിരുന്നു ഋഷിരാജ് സിങിന്റെ പരിപാടികള്‍.
ന്യൂമാന്‍സ് കോളജില്‍ പുതിയ കെട്ടിട ഉദ്ഘാടനവും മേരിമാതാ കോളജില്‍ ലഹരി വിരുദ്ധ സെമിനാറിലുമായിരുന്നു ഇദ്ദേഹം പങ്കെടുക്കേണ്ടിയിരുന്നത്.