കല്‍പറ്റ: വയനാട്ടില്‍ സ്‌കൂള്‍ വിദ്യാര്‍ഥിനികളെ പീഡിപ്പിച്ച കേസില്‍ പോക്‌സോ വകുപ്പടക്കം 11 കേസുകള്‍ പൊലിസ് രജിസ്റ്റര്‍ ചെയ്തു. കേസില്‍ ഇതിനകം ആറു പേരെ പൊലിസ് കസ്റ്റഡിയിലെടുത്തിട്ടുണ്ട്.

അതേസമയം, വിദ്യാര്‍ഥിനികള്‍ ലൈംഗിക പീഡനത്തിരയായതായി വൈദ്യ പരിശോധനയില്‍ കണ്ടെത്തി.
സ്‌കൂള്‍ വിദ്യാര്‍ഥിനികളെ കോമ്പൗണ്ടിന് പുറത്തുവച്ച് മിഠായി നല്‍കിയും അശ്ലീല വീഡിയോകള്‍ കാണിച്ച് പീഡിപ്പിച്ചു എന്നതാണ് പരാതി.

ജില്ലയിലെ പ്രമുഖ അനാഥാലയം അധികൃതരാണ് ഇതുസംബന്ധിച്ച അന്വേഷണം നടത്തണമെന്നാവശ്യപ്പെട്ട് കല്‍പറ്റ പൊലിസില്‍ പരാതി നല്‍കിയത്. ജില്ലാ ചൈല്‍ഡ് വെല്‍ഫെയര്‍ കമ്മിറ്റിയിലും സ്‌കൂള്‍ അധികൃതര്‍ പരാതി നല്‍കിയിട്ടുണ്ട്.