ഓച്ചിറ: മദ്യലഹരിയില്‍ വീട്ടില്‍ അതിക്രമിച്ച് കയറി സ്ത്രീകളെ കടന്നുപിടിച്ച നിരവധി ക്രിമിനല്‍ കേസിലെ പ്രതിയെ നാട്ടുകാര്‍ പിടികൂടി പൊലിസിലേല്‍പ്പിച്ചു. ശൂരനാട് തെക്ക് പ്രതിഭാ ജങ്ഷനില്‍ പോക്കാട്ട് വടക്കതില്‍ ജിബിന്‍ (21) ആണ് പിടിയിലായത്.ഞായറാഴ്ച രാത്രി ഏഴോടെ പ്രതിഭാ ജങ്ഷന് സമീപം വെള്ളം എടുക്കുകയായിരുന്ന വീട്ടമ്മയെ ജിബിന്‍ കയറി പിടിക്കുകയായിരുന്നു.
നിലവിളിച്ച് വീട്ടിനുള്ളില്‍ ഓടിക്കയറിയ വീട്ടമ്മയെ പിന്തുടര്‍ന്നെത്തിയ ഇയാള്‍ വിണ്ടും ആക്രമിക്കുകയായിരുന്നു. ബഹളം കേട്ട് ഓടിയെത്തിയ  അയല്‍വാസിയായ സ്ത്രീയെയും ഇയാള്‍ കൈയേറ്റം ചെയ്യുകയും അക്രമി വീട് അടിച്ചു തകര്‍ക്കുകയും ചെയ്തു.