തൃശൂര്‍: വിദ്യാഭ്യാസത്തെ കച്ചവടവത്കരിക്കുക മാത്രമല്ല ഉല്‍പന്നവത്കരിക്കുകയുമാണ് കേന്ദ്ര സര്‍ക്കാര്‍ ചെയ്യുന്നതെന്ന് പ്രഭാത് പട്‌നായിക്. അസോസിയേഷന്‍ ഓഫ് കേരള ഗവണ്‍മെന്റ് കോളജ് ടീച്ചേഴ്‌സ് സംസ്ഥാന സമ്മേളനം തൃശൂര്‍ ടൗണ്‍ ഹാളില്‍ ഉദ്ഘാടനം ചെയ്യുകയായിരുന്നു അദ്ദേഹം. വിദ്യാഭ്യാസത്തെ ആര്‍.എസ്.എസ് അട്ടിമറിക്കുകയാണ്. ഒരു യുക്തിയുമില്ലാത്ത നിലവാരത്തിലേക്കു വിദ്യാഭ്യാസത്തെ തള്ളിവിടുന്നു. വിദ്യാഭ്യാസത്തെ ഫാസിസ്റ്റ് വത്കരിക്കുന്നതു ചെറുക്കണമെന്നും അദ്ദേഹം ആവശ്യപ്പെട്ടു.