മനില: ഫിലിപ്പീന്‍സില്‍ പള്ളിക്കു നേരെയുണ്ടായ ഗ്രനേഡ് ആക്രമണത്തില്‍ രണ്ടു പേര്‍ കൊല്ലപ്പെട്ടു. ദക്ഷിണ ഫിലിപ്പീന്‍ നഗരമായ സാംബോന്‍ഗയില്‍ ബുധനാഴ്ച പുലര്‍ച്ചെയാണ് സംഭവം. നാലു പേര്‍ക്ക് പരുക്കേറ്റിട്ടുണ്ട്.

ദിവങ്ങള്‍ക്കു മുന്‍പ് ഇതിനു സമീപത്തായി റോമന്‍ കത്തോലിക്കാ കത്തീഡ്രലില്‍ ഇരട്ട സ്‌ഫോടനമുണ്ടായിരുന്നു. അതിനു പിന്നാലെയാണ് മുസ്‌ലിം പള്ളിയിലും ഇപ്പോള്‍ ആക്രമണമുണ്ടായിരിക്കുന്നത്.

കൊല്ലപ്പെട്ടവര്‍ ആക്രമണസമയത്ത് പള്ളിയില്‍ ഉറങ്ങിക്കിടന്നവരായിരുന്നു. ആക്രമണത്തിന്റെ ഉത്തരവാദിത്തം ഉടനെ ആരും ഏറ്റെടുത്തിട്ടില്ല.