തലശ്ശേരി: എ.എന്‍ ഷംസീര്‍ എം.എല്‍.എയുടെ വീടിനുമുന്നിലൂടെ ഭീഷണിമുഴക്കി പ്രകടനം നടത്തിയ സംഭവത്തില്‍ ബി.ജെ.പി നഗരസഭാ കൗണ്‍സിലര്‍ ഉള്‍പ്പെടെ മൂന്നുപേരെ പൊലിസ് അറസ്റ്റ് ചെയ്തു. നഗരസഭാ കൗണ്‍സിലര്‍ ലിജേഷ്, നിജിന്‍ദാസ്, ജിജു എന്നിവരെയാണ് അറസ്റ്റ് ചെയ്തത്. പിന്നീട് ഇവരെ സ്റ്റേഷന്‍ ജാമ്യത്തില്‍ വിട്ടയച്ചു. സംഭവത്തില്‍ 20 ബി.ജെ.പി പ്രവര്‍ത്തകര്‍ക്കെതിരേ ന്യൂമാഹി പൊലിസ് കേസെടുത്തിരുന്നു.
ഭീഷണിമുഴക്കി പ്രകടനം നടത്തിയെന്നാരോപിച്ച് ലിജേഷ്, നിജില്‍ദാസ്, ജിജു എന്നിവര്‍ നല്‍കിയ പരാതിയില്‍ 20 സി.പി.എം പ്രവര്‍ത്തകര്‍ക്കെതിരേയും കേസെടുത്തു.