കല്ലമ്പലം: ഇരുചക്ര വാഹനത്തില്‍ റോഡരികില്‍ സുഹൃത്തുമായി സംസാരിച്ചുകൊണ്ട് നിന്നയാളെ ഇടിച്ച് തെറിപ്പിച്ച ഓട്ടോ ഡ്രൈവര്‍ക്കെതിരെ പൊലിസില്‍ പരാതി നല്‍കിയിട്ടും നടപടിയില്ലെന്ന് പരാതി. കഴിഞ്ഞ 21 ന് വൈകിട്ട് 6.30 ന് പുതുശ്ശേരിമുക്കിന് സമീപം റോഡരികില്‍ ഇരു ചക്രവാഹനം നിര്‍ത്തി സുഹൃത്തിനോട് സംസാരിച്ചു കൊണ്ട് നിന്ന പുതുശ്ശേരിമുക്ക് കെ പി എം ഹൗസില്‍ നിസാറുദ്ദീനെയാണ് അമിതവേഗതയില്‍ വന്ന ഓട്ടോ പിന്നില്‍ നിന്നും ഇടിച്ചു തെറിപ്പിച്ചത്. ഇടിയുടെ ആഘാതത്തില്‍ റോഡില്‍ തെറിച്ചു വീണ് പരിക്കേറ്റ നിസാറുദ്ദീനെ നാട്ടുകാര്‍ ആശുപത്രിയിലെത്തിക്കുകയായിരുന്നു. തുടര്‍ന്ന് ഓട്ടോ ഡ്രൈവര്‍ക്കെതിരേ കല്ലമ്പലം പൊലിസില്‍ പരാതി നല്‍കിയെങ്കിലും നടപടിയുണ്ടായില്ലത്രേ. ഇതു സംബന്ധിച്ച് ഉന്നതധികാരികള്‍ക്ക് പരാതി നല്‍കാനൊരുങ്ങുകയാണ്‌നിസാറുദ്ദീന്‍.