നെടുമങ്ങാട് : തീ പിടിച്ചു പൊലിസ് റോഡരികില്‍ സൂക്ഷിച്ചിരുന്ന തൊണ്ടി വാഹനങ്ങള്‍ കത്തി നശിച്ചു. നിരവധി ബൈക്കുകളും കാറുകളും കത്തി നശിച്ചവയില്‍ ഉള്‍പ്പെടും. ഇന്നലെ രാവിലെ പതിനൊന്നോടെയാണ് സംഭവം. നെടുമങ്ങാട് കല്ലമ്പാറയില്‍ ആണ് തീപിടിത്തം ഉണ്ടായത്. സമീപ വസ്തുവില്‍ ഉപയോഗ ശൂന്യമായ വസ്തുക്കള്‍ കത്തിച്ചപ്പോള്‍ അവിടെ നിന്നും തീ പടര്‍ന്നതാണെന്ന് ദൃക്‌സാക്ഷികള്‍ പറഞ്ഞു. അപകടത്തില്‍ പെട്ടതും കേസുകളില്‍ പെട്ടതുമായ നൂറോളം വാഹനങ്ങള്‍ പോലീസ് ഇവിടെ റോഡരികിലാണ് സൂക്ഷിച്ചിട്ടുള്ളത്. നെടുമങ്ങാട് ഫയര്‍ ഫോഴ്‌സ് എത്തിയാണ് തീ അണച്ചത്. വാഹനങ്ങള്‍ പൂര്‍ണമായും അഗ്‌നിക്കിരയായി.