വൈപ്പിന്‍:വിദ്യാര്‍ഥികളെ സ്വകാര്യ ബസുകാര്‍ കയറ്റാതിരുന്നതുമായി ബന്ധപ്പെട്ട് ചെറായി ദേവസ്വംനടയില്‍ ബസുകാരും നാട്ടുകാരുമായി സംഘര്‍ഷമുണ്ടായി.
സ്‌റ്റോപ്പിലുണ്ടായിരുന്ന കുട്ടികളില്‍ മൂന്നുപേരെ മാത്രം കയറ്റി ബസ് വിട്ടുപോയപ്പോള്‍ തടയാന്‍ ശ്രമിച്ച ഡി.വൈ.എഫ്.ഐ മേഖലാ കമ്മിറ്റിയംഗം ടി.ആര്‍ രാജേഷിനെ മര്‍ദിച്ചതില്‍ മേഖലാ കമ്മിറ്റി പ്രതിഷേധം രേഖപ്പെടുത്തി.
വിദ്യാര്‍ഥികളെ കണ്ടാല്‍ സ്‌റ്റോപ്പില്‍ ബസ് നിര്‍ത്താതെ പോകുന്നത് നിത്യസംഭവമാണെന്ന് ഡി.വൈ.എഫ്.ഐ ആരോപിച്ചു.
ബസ് ജീവനക്കാരില്‍ ചിലരെല്ലാം ക്രിമിനല്‍ സ്വഭാവമുള്ളവരാണ്. സംഭവവുമായി ബന്ധപ്പെട്ടവരെ അറസ്റ്റ് ചെയ്യണമെന്ന് ആവശ്യപ്പെട്ടു.