ന്യൂഡല്‍ഹി: കേരള മുന്‍ഗവര്‍ണറും മുന്‍ കേന്ദ്ര നിയമമന്ത്രിയുമായിരുന്ന എച്ച്.ആര്‍ ഭരദ്വാജ് (83) അന്തരിച്ചു. ഹൃദയാഘാതത്തെ തുടര്‍ന്നായിരുന്നു അന്ത്യം.2012-2013 കാലയളവില്‍ കേരള ഗവര്‍ണറായിരുന്ന ഭരദ്വാജ് 2009 മുതല്‍ 2014 വരെ കര്‍ണാടക ഗവര്‍ണറുമായിരുന്നു.

കോണ്‍ഗ്രസ് നേതാവായിരുന്ന ഭരദ്വാജ് 1982ല്‍ രാജ്യസഭയിലെത്തിയതോടെയാണ് പാര്‍ലമെന്ററി ജീവിതം ആരംഭിക്കുന്നത്.1984 മുതല്‍ 89 വരെ നിയമകാര്യ സഹമന്ത്രിയായ അദ്ദേഹം ഒന്നാം മന്‍മോഹന്‍സിംഗിന്റെ ഒന്നാം യു.പി.എ സര്‍ക്കാരിലും നിയമമന്ത്രിയായിരുന്നു.