തലശേരി: തലശ്ശേരി ജഗന്നാഥ ക്ഷേത്രോത്സവത്തിന് ഇന്ന് രാത്രി 8.45ന് കൊടിയേറും. നാളെ മതേതര സങ്കല്‍പ്പം ഗുരുവിന്റെ വീക്ഷണത്തില്‍ എന്ന വിഷയത്തില്‍ നടക്കുന്ന സമ്മേളനം പി.വി ചന്ദ്രന്‍ ഉദ്ഘാടനം ചെയ്യും. 10ന് സാംസ്‌കാരിക സമ്മേളനം ഡോ. വി രാമചന്ദ്രന്‍ എം.എല്‍ എ ഉദ്ഘാടനം ചെയ്യും. 11ന് വിദ്യാഭ്യാസ സമ്മേളനം കേരള ഹൈക്കോടതി ജഡ്ജി ജസ്റ്റിസ് കെ.പി ജ്യോതീന്ദ്രനാഥ് ഉദ്ഘാടനം ചെയ്യും. 12ന് സാംസ്‌കാരിക സമ്മേളനം മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്യും. 13ന് ഗുരുദേവപ്രതിമ പ്രതിഷ്ഠാ നവതി സമ്മേളനം ശിവഗിരി ധര്‍മ്മസംഘം പ്രസി. ബ്രഹ്മശ്രീ വിശുദ്ധാനന്ദ സ്വാമികള്‍ ഉദ്ഘാടനം ചെയ്യും. 14ന് സമാപന സമ്മേളനം കര്‍ണാടക പരിസ്ഥിതി മന്ത്രി രാമനാഥറായ് ഉദ്ഘാടനം ചെയ്യും. 15ന് വൈകുന്നേരം ആറാട്ട് എഴുന്നള്ളത്തോടെ കൊടിയിറങ്ങും. വാര്‍ത്താസമ്മേളനത്തില്‍ കെ.പി രത്‌നാകരന്‍, സ്വാമി പ്രേമാനന്ദ, രവീന്ദ്രന്‍ പൊയിലൂര്‍, എം.കെ റിജു, സി ഗോപാലന്‍, കണ്ട്യന്‍ ഗോപി, എം.വി രാജീവന്‍, പി.രാഘവന്‍ പങ്കെടുത്തു.