തലശ്ശേരി: ജഗന്നാഥ ക്ഷേത്രത്തില്‍ ഇന്നുമുതല്‍ ആരംഭിക്കാനിരിക്കുന്ന ഉത്സവത്തിന്റെ ഭാഗമായുള്ള പൊലിസ് റെയ്ഡില്‍ ടെമ്പിള്‍ഗേറ്റ് പരിസരത്ത് നിന്നു 13 ബോംബുകള്‍ കണ്ടെത്തി.
ഇന്നലെ രാവിലെ പതിനൊന്നോടെയാണ് ടെമ്പിള്‍ഗേറ്റ് റെയില്‍വേ സ്റ്റേഷന്‍ പരിസരത്തെ കുറ്റിക്കാട് പിടിച്ച സ്ഥലത്തു നിന്നു ബോംബുകള്‍ കണ്ടെത്തിയത്. എസ്.ഐ. രാജേഷിന്റെ നേതൃത്വത്തിലുള്ള പൊലിസും ബോംബ്, ഡോഗ് സ്‌ക്വാഡുകളും സംയുക്തമായി നടത്തിയ പരിശോധനയിലാണു ബോംബുകള്‍ പിടികൂടിയത്. ഇതില്‍ പത്തെണ്ണം ഐസ്‌ക്രീം ബോംബും മൂന്നെണ്ണം സ്റ്റീല്‍ ബോംബുകളുമാണ്.
കുറ്റിക്കാടിനു സമീപത്തുള്ള പഴയ വീട്ടുപറമ്പില്‍ ഉണ്ടായിരുന്ന അസ്ഥിത്തറയ്ക്കടുത്താണു പ്ലാസ്റ്റിക് കവറില്‍ പൊതിഞ്ഞ് സൂക്ഷിച്ച നിലയില്‍ ബോംബുകള്‍ കണ്ടെത്തിയത്. തലശ്ശേരി നഗരത്തോടു ചേര്‍ന്ന പ്രദേശത്ത് ആദ്യമായാണ് വന്‍ ബോംബ് ശേഖരം പിടികൂടുന്നത്.