കണ്ണൂര്‍: അരി വില വര്‍ധനവില്‍ പ്രതിഷേധിച്ച് 'അരിയില്ലെങ്കില്‍ കലമെന്തിന്' എന്ന മുദ്രാവാക്യവുമായി യൂത്ത്‌ലീഗ് ജില്ലാ കമ്മിറ്റിയുടെ നേതൃത്വത്തില്‍ പ്രവര്‍ത്തകര്‍ കണ്ണൂര്‍ നഗരത്തില്‍ കലമുടക്കല്‍ സമരം നടത്തി.
കണ്ണൂര്‍ ബാഫഖി സൗധം പരിസരത്ത് നിന്നാരംഭിച്ച് നഗരം ചുറ്റി പഴയ ബസ്സ്റ്റാന്റില്‍ പ്രകടനം സമാപിച്ചു. യൂത്ത്‌ലീഗ് സംസ്ഥാന വൈസ് പ്രസിഡന്റ് പി.കെ സുബൈര്‍ കലമുടച്ചു സമരം ഉദ്ഘാടനം ചെയ്തു. മൂസാന്‍കുട്ടി നടുവില്‍ അധ്യക്ഷനായി.
പി.വി ഇബ്രാഹിം, നസീര്‍ നെല്ലൂര്‍, എന്‍.പി റഷീദ്, കെ.കെ.എം ബഷീര്‍, ഷക്കീര്‍ മൗവ്വഞ്ചേരി, സി.കെ മുഹമ്മദലി, റുഖ്‌നുദ്ദീന്‍ പയ്യന്നൂര്‍, നൗഫല്‍ മെരുവമ്പായി നേതൃത്വം നല്‍കി.