കൊല്ലം: കൊവിഡ് 19 വൈറസ് ബാധയുമായി ബന്ധപ്പെട്ട് കൊല്ലത്ത് ഒമ്പതു പേര്‍ നിരീക്ഷണത്തില്‍. പാരിപ്പള്ളി ഗവണ്‍മെന്റ് മെഡിക്കല്‍ കോളജിലാണ് ഇവരെ നിരീക്ഷണത്തില്‍ വെച്ചിരിക്കുന്നത്. പത്തനംതിട്ടയില്‍ രോഗം സ്ഥിരീകരിച്ചവരുടെ പുനലൂരിലെ അഞ്ച് ബന്ധുക്കളും ഇതില്‍ ഉള്‍പെടുന്നു. പത്തനംതിട്ടയില്‍ നിന്നുള്ളവര്‍ പുനലൂരിലെ ബന്ധുവീട് സന്ദര്‍ശിച്ചിരുന്നു.

ഇന്ന് രാവിലെ എറണാകുളത്ത് മൂന്നു വയസ്സുള്ള ഒരു കുട്ടിക്ക് വൈറസ് ബാധ സ്ഥിരീകരിച്ചിരുന്നു. കുട്ടിയുടെ മാതാപിതാക്കളുടെ സ്രവം പരിശോധനക്ക് അയച്ചിട്ടുണ്ട്.