കണ്ണൂര്‍: അടുക്കള വാതില്‍തകര്‍ത്ത് വീട്ടില്‍ കയറിയ മോഷ്ടാവ് ഉറങ്ങിക്കിടക്കുകയായിരുന്ന വീട്ടമ്മയുടെ അഞ്ചുപവന്റെ സ്വര്‍ണമാല കവര്‍ന്നു. എടച്ചൊവ്വ മയ്യാലപീടികക്കു സമീപം ശ്രുതിലയത്തില്‍ ശശിധരന്റെ ഭാര്യ റീത്തയുടെ സ്വര്‍ണമാലയാണു മോഷണം പോയത്. ഇന്നലെ പുലര്‍ച്ചെ രണ്ടോടെയായിരുന്നു സംഭവം. മോഷ്ടാവ് മാല ഊരിയെടുക്കുന്നതിനിടെ ഉറക്കമുണര്‍ന്ന വീട്ടമ്മ ബഹളംവച്ചെങ്കിലും മാലയുമായി മോഷ്ടാവ് രക്ഷപ്പെട്ടു. ശശിധരന്റെ പരാതിയില്‍ ടൗണ്‍പൊലിസ് കേസെടുത്തു.