പട്ടിക്കാട്: നിയന്ത്രണംവിട്ട മിനിലോറി വൈദ്യുതി തൂണ്‍ തകര്‍ത്തു. ആമക്കാട് മന്തംകുണ്ട് പാതയില്‍ ഇന്നലെ രാവിലെ ഏഴോടെ അരീച്ചോല ജുമാ മസ്ജിദിന് സമീപമാണ് സംഭവം.
കുത്തനെ ഇറക്കവും വളവുകളുമുള്ള പാതയില്‍ ആമക്കാട് ഭാഗത്ത് നിന്ന് വരികയായിരുന്നു ലോറി. ബ്രേക്ക് നഷ്ടപെട്ടതിനെ തുടര്‍ന്ന് പാതയോരത്തെ ചെങ്കല്‍ കൂനയില്‍ ഇടിച്ച് നിര്‍ത്താന്‍ ശ്രമിക്കുന്നതിനിടെയാണ് വൈദ്യുതി തൂണിലിടിച്ചത്.
ഈ സമയം പാതയിലൂടെ നരവധി വിദ്യാര്‍ഥികള്‍ മദ്‌റസയിലേക്ക് വരുന്നുണ്ടായിരുന്നു. അടുത്തായി വീടുകളും സ്ഥിതി ചെയ്യുന്നുണ്ട്. ഡ്രൈവറുടെ സന്ദര്‍ഭോജിത ഇടപെടലാണ് വന്‍ അപകടം ഒഴിവാക്കിയത്. തകരാറിലായ വൈദ്യുതി ബന്ധം ഉച്ചയോടെ പുനസ്ഥാപിച്ചു. സംഭവത്തില്‍ ആര്‍ക്കും പരിക്കില്ല.